Adneveziñ ar sistem melestradurel 'ba Republic Bro-C'hall en ur zigreskiñ an niver a ensavadurioù lec'hel 'zo unan a balioù ar gouarnamant. Kroget eo get adkempenn ar rannvroioù. Re a gumunioù 'zo 'ba Frañs ivez: 36 000. Afer 'zo digreskiñ o niver. Deskaoz 'oa divizet, e-korv an nevez-hanv, get ar gouarnamant sikour get ar c'humunioù faot dezhe en em vodiñ. da laret eo reiñ un tamm yalc'had ouzhpenn dezhe& Digresket 'vo ar yac'hadoù roet d'an ensavadurioù lec'hel c'hoazh. 'Ba lod kumunioù eo en em lakaet an dilennidi d'en em soñjal àr ar raktres-mañ: e kreisteiz Brest dre skwer 'ba Bro Daoulaz get dilennidi Daoulaz, Logonna hag an Ospital-Kamfroud. Un hent anat a-walc'h evit Goulven Kadored 'zo eil-maer 'ba Logonna.