Dec'h 'zo bet roet lañs gant Gouelioù Meur Kerne e Kemper. Ur wech c'hoazh 'zo birvilh e kreiz ar gêr 'benn lakaat war-wel sevenadur ar vro ha pelloc'h. Meur a leurenn vras a zo bet staliet, warno sonadegoù digoust ha lod ma ranker paeañ, met ivez atalieroù ha me 'oar. Emberr e vo La Grande Tribu e liorzh an eskobti, a vez graet leurenn Per Jakez Heliaz anezhi bremañ, ha Nolwenn Korbell e c'hoariva Max Jacob. Nolwenn Korbell hag a ginnig he fladenn nevez embannet « skeud ho roudoù » en ur sal ma n'eus tiked ebet e gwerzh ken. Breizh Storming ha Breizh Kafe a vez kinniget gant Ti ar Vro Kemper 'benn kizidikaat an dud d'ar yezh met ivez d'an endro ha pelloc'h. Deomp da c'houzout hiroc'h gant David Ansquer.