E 2005 'oa lañset al labourioù da reneveziñ karter Meneham 'giz gwechall. Tiez ar c'hart (ar c'harter), 'vel 'vez laret 'ba Kerlouan, 'oa kouezhet en o boull abaoe meur a vloaz. C'hoant 'oa savet 'ba dilennidi 'zo 'bar vro saveteiñ ar geriadenn 'lec'h 'ma 'oa o chom pesketourien ar barrez 'zo 'ba bro- Bagan. 3,3 million a euroioù 'zo bet postet 'bal labourioù mañ. Digwener 'oa lidet an deiz ha bloaz mañ 'ba Kerlouan war un ton bras. Kroget an traoù gant un abadenn d'ober tro ar c'harter kaset gant Strollad ar Vro Bagan; un abadenn hag a vo kinniget bep gwener noz e-pad an hañv. Reneveziñ tiez kozh met gant ur pal memestra, setu 'pezh 'zo displeget gant Jean-Yves Caradec, eil maer 'ba Kerlouan. Gant Erwan Blanchard. Ouzhpenn an abadennoù gant Strollad ar Vro Bagan 'vo. Gant Ofis an douristelezh 'vo posubl dizoloiñ ar c'harter bep meurzh. Div diskouezhadeg 'zo da welout: "Ar baganiz, peñseourien penn ar bed?" ha "Meneham, 2005-2015: dek vloaz a labourioù".