Votadegoù oa disul ba 7 kumun e Breizh. Gant DIBAB 'oant aozet, kement ha degas tu da bep hini da'n em reiñ da glevet diwar-benn adunvaniezh Breizh. Seizh kumun e Breizh a-bezh 'ta: Nozay ha Rougé e Liger Atlantel, Chevaigné en Ill ha Gwilun, Plounevez-Mouedeg en Aodoù an Arvor, Komanna hag ar C'hloastr-Plourin e Penn ar Bed hag e Rianteg er Morbihan. Seitek mil a dud 'oa kinniget dezhe reiñ o soñj diwar-benn adunvaniñ Breizh ha neuze kendeuziñ ar pemp kuzul departamant hag ar c'huzul rannvro en ur vodadenn evit Breizh a-bezh. Bihan 'walc'h an dud bet o kemer perzh 'vat, ha dipitet an aozerien gant se. Selaouomp pelloc'h gant Fabrice Cadou, perzh en DIBAB.