Disadorn 'oa manifestadeg e Karaez evit souten Bertrand Grimault ha Yann Manac'h, daou den tamallet dê bezañ boutet tan e dor isprefeti Kastellin, 'kerzh ur vanifestadeg da difenn ospital Karaez e 2008. E miz genver 'oant bet advarnet ha goûlet pevar mizvezh toull-bac'h sec'h evit Bertrand Grimault, ha c'hwec'h mizvezh toull gant goursez ha pemp mil euro a dell-gastiz evit Yann Manac'h. 'Benn ar 16 a viz c'hwevrer 'vo ar varnedigezh. Tri c'hant a dud 'oa en em vodet disadorn 'ta. Bertrand Grimault a lâr deomp eo ur blijadur gwelet kement a dud. Deus mikro Tudual Karluer.