Eil tro an dilennadegoù departamant a oa dec'h, hag evel 'oa gortozet, zo anezhe un taol-kaer evit an tu-dehoù, hag un taol fall evit an tu-kleiz. Departamantoù e-leizh kollet gant ar PS, evel en Aodoù an Arvor, a-gleiz abaoe 39 bloaz. E Gwengamp end-eeun, dalc'het mat gant ar PS, eo koll ar strollad sokialour ouzh ul listennad distrollad, hag a c'halv da vodañ pelloc'h evit harzoù ar strolladoù politikel. En dro gentañ dija 'oa aet Yannig Kerlogod ha Laurence Corson, eilet gant Bernard Hamon, ha Beatrice Mabin, e penn. Un tamm sell a dostoc'h 'ginnigan deoc'h ober e Gwengamp, Tudual Karluer 'oa eno dec'h da noz, ha da gentañ selaouomp Yannig Kerlogod pa oa roet an disoc'hoù en ofisiel.