Brieg : manifestadeg a-enep an usin evit produin tredan gant gaz
Ne ya ket war zegresk an enebi d'an usin a zo raktreset evit produiñ tredan gant gaz e Penn ar Bed. Ur sizhun 'zo o doa manifested tud bro Brenniliz. Disadorn, oa tro tud bro Brieg. 300 den 'zo bet gwelet er straedoù, 'pezh 'zo dic'hortoz, dreist holl evit ur galv lañset ur sizhun 'zo hepken. Familhoù gant bugale oa, ha tud kozhoc'h ivez. En o zouez, Youen Morvan, deus An Edern. Evitañ, an usin-se a zegaso kleñvejoù, 'giz 'ra dija an usin a ra war dro al lostajoù 'ba Brieg.
