Anavet oant bet ged ar singliow "Vilaine canaille" pe "Fear facteur", tennet ag o albom kentañ e 2009. Anwet int Archimède, dont a rant a Laval, ha doh ar seblant e ouier sevel musik pop a-fesson ba'r Mayenn. E 2006 oa bet krouet ar strollad, ged ar vreuder Boisnard : Nicolas - kaner ha saver-posiow - ha Frédéric - saver-toniow ha soner-kitar. Gete e kavamp Guillaume Payen d'ar gitar iwe, Thomas Cordé d'ar gitar voud ha Tess d'ar batri. Trafalgar, titl o eil albom, a vehe ur referañsig d'o levesoniow saos (The Beatles pe Oasis), mes iwe d'o stourm ewid derhel da sevel posiow e galleg, pezh a za da voud ral e-mesk ar strolladow a Frañs er mareow-mañ. Posiow fin, kisellet-mad, lan a fent lies, ha laket da soniñ mad. Dont a rant àr-lerh Jacques Dutronc, Renaud pe Nino Ferrer àr an dachenn-mañ, ha klewet vez. Kasset ew bet da-benn ged Philippe Paradis (Zazie, Daran, Thiéfaine). Archimède deus kavet an tu da aliañsiñ ar ster hag ar stumm, ba kanennow pop hegig, èl ar single kentañ, "Le bonheur" pe hoazh "Les premiers lundis de septembre", savet herwez spered ur paotrig trist. Soñjow a-zivoud leh an arzourion, pe penaos gober ar les ("Je prends")... setu un ollved personel da voud anavet heb arvar ! ///Adskignet a-ziàr abadenn an 12.9.2011/// EDDY MITCHELL "La dernière séance" in Jambalaya tour (2007 . Polydor) HOUSSE DE RACKET "Oh yeah !" in Forty love (2008 . Discograph) HOUSSE DE RACKET "Roman" in Alesia (2011 . Kitsune) ALEX BEAUPAIN "Au départ" in Pourquoi battait mon coeur (2011 . Naïve) MAURANE "Fais-moi une fleur" in Fais-moi une fleur (2011 . Polydor) ARCHIMÈDE "Les premiers lundis de septembre" in Trafalgar (2011 . Jive Epic)