'Ba ur stad fall emañ savadur an tailhoù 'ba Montroulez. Ul lodenn anezhi 'zo ken breskaet emañ en dañjer da gouezhañ tri devezh goude 'oa lakaet tan e-barzh gant legumajerien ar Vro. Digwener noz 'oa en em gavet war dro daou c'hant peizant gant o zrakteur da skuilhañ kaol-fleur dirak an MSA (Mutualite Sociale Agricole) hag an tailhoù: ha distrujet e-giz se. Ouzhpenn 'neunt distrujet panelloù war ar c'hroazhioù-hent war dro Montroulez ha 'ba kêr Vontroulez. Komprenet 'peus emañ en fulor 'mañ ar beizanted peogwir e kav dezho eo re uhel ar c'hargoù 'neunt da baeañ. Ouzhpenn eo bet izel tre priz al legumaj ar bloaz mañ: lakaet 'zo kalzig a beizanted start. Jean-Luc Bleuven Depute 'ba Penn-ar-Bed ha peizant, eñ e-unañ, n'eo ket evit anduriñ ar mod mañ d'ober. Gant Erwan Blanchard.