Abaoe miz Eost emañ Alain Mokopame 'ba Lesneven evit diskuizhañ. Person eo 'ba Kreiz-Afrika lec'h 'ma m'emañ distabil stad ar Vro. Ur bloaz hanter 'zo 'oa bet lakaet 'maez prezidant ar Republic, Bozize, gant un dispac'hour anvet Michel Djotodia asambles gant ar strolladoù Seleka savet gant soudarded musulman, dreistholl, eus Tchad, Libia pe Soudan . Ranket 'neus dilezel e blas e penn kentañ ar bloaz. Bremañ 'zo ur brezidantez 'zo penn Republic Kreiz-Afrika. N'eo ket sioukaet an traoù memestra. Emgannoù ha lazhadegoù 'zo etre ar vusulmaned hag ar gristenien c'hoazh pe 'vije 'ba Bangui pe 'maez eus penn-gêr ar vro. Kaset 'oa soudarded gant Bro-C'hall 'vit desarmiñ an dud 'ba Kreiz Afrika. Met, chom 'ra diaes tre ha dañjerus ar vuhez 'bar vro mañ. Selaouomp Alain Mokopame ouzh mikro Erwan Blanchard. 'Benn teir sizhun 'tistroio Alain Mokopame 'ba Kreiz Afrika 'ba ur gêriadenn 'zo 100 km eus Bangui. Adstagañ 'raio gant e labour person evit skoazell an dud ha klask sioulaat o speredoù.