A-c'houde bleadoù e kas Luce Loyant a Lann ar Ster chekennoù e brezhoneg evit paeiñ he fakturennoù. Deus ket pell 'zo he deus bet ur lizher a-berzh GDF Suez a c'houlenne bout paet en ur feson arall. Digomprenapl evit Luce ker emañ ar gwir geti. Moaien 'zo skriviñ e brezhoneg àr ar chekennoù adal mad int embannet e brezhoneg get an ti-bank. Ar vaouez, 90 vlez ha stourmerez anezhi deus savet ur lizher klemm neuze, sekouret get Emglev bro an Oriant hag Ai'ta. Kilian Gastinger, perzh er c'holektif Ai'ta a zispleg deomp pelloc'h doc'h mikro Yaelle ar Mouel.