E penn-kentañ ar miz en eus ar gazetenn Ouest France lidet e zekvet deiz ha bloaz ha tri ugent. Ur mell tennad en istor evit ar gazetenn bet ganet e Roazhon hag a vez skignet e kornôg Frañs hag e Paris. Dibaoe 1975 emañ ar gazetenn bemdeziek e-penn ar renkamant e Frañs a fed skignañ dre ma vez gwerzhet tost da 800 000 skouerenn bemdez. 53 embannadur a vez moulet ha skignet war 12 departamant. Jean-Laurent Bras a zo kazetenner e Ouest France dibaoe un toullad bloavezhioù. Kontiñ 'ra deomp istor ar gazetenn vrudet hag a lid er bloaz-mañ e 70 vloaz. Repont a ra da c'houlennoù Katell Uguen.