Chom 'ra ar c'henstrivadegoù dañs darvoud ar festival Sant-Loup 'ba Gwengamp. El bep bloaz 'e ta ur bochad tud da sellout kelc'hioù keltiek gwellañ 'zo 'ba Breizh ha 'ba lec'hioù arall. 'Ba rummad excellence, rummad gwellañ ar c'hampionadoiù aozet gant Kendalc'h, ez eus ur strollad a zeu a-gostez Pariz: kelc'h Poissy. E-mesk an dañserien daet deus kêrbenn Frañs ez eus bretoned sur-walc'h. Anaïs ar Gov 'zo unan anezhe. Daou vloaz 'zo 'oa aet kuit a Landerne evit monet àr he studioù da Bariz. Displeget 'neus da Erwan Blanchard peseurt talvoudegezh 'zo gant ur c'hoñkour dañs 'ba Gwengamp evit dañserien Pariz. Kelc'h Poissy deus achuet en 6vet lec'h er c'hlasamant hollek. Waet eo ar maout get kelc'h Kerfeuntun a Gemper. An trizekvet titl a gampioned eo evit Eostiged ar Stangala. En eil lec'h emañ kelc'h Kroashent Gwengamp. Hag Sant Evarzec zo en trede lec'h.