Ged un titl sort-se e kredahemp ema bresk ha pur musik ar strollad Karkwa, mes e gwirionez eh omp amañ ged ur bladenn solud, savet a rock betoñ. Dont a rant a Vontreal er Hebek, 'menn oa bet embannet o disk ur blez so, ha setu eñv arru ba Europ ar blez-mañ. Strollad Louis-Jean Cormier neus enrollet 3 albom arall dija : Le pensionnat des établis e 2003, Les tremblements s'immobilisent e 2005 ha Le volume du vent e 2008. N'int ket anavet kement barzh-amañ hoazh, mes a-dra-sur eh ant da hounid kalon ur bochad tud ha faned newez. Les chemins de verre so bet enrollet ba Frañs, a-hed sizhuniow a labour, a arvar, strewet etre arn troiadow : skuizh oant, mes gouiet o deus 'n em dolpiñ, a spered, ewid sevel ur bladenn binwig, unvan, levesonet ged ur santimant a hollidigezh. Rock e galleg, rock awenet, tost-awalh doh spered Radiohead pe Arcade Fire, ged Karkwa vez savet musik fromus, souezhus lies, teñwel a-wezhow, tredan ha seh ("Le pyromane"), ged toniow-bale iwe ("28 jours"), setu un disk hag ur strollad liesliw : poent oa gober anoudegezh gete ! CONCRETE KNIVES "Happy Mondays" in You can't blame the youth (2011 . Aka Publishing / Family Tree ) CONCRETE KNIVES "Youth compass" in You can't blame the youth (2011 . Aka Publishing / Family Tree ) Ewid gouied pelloh : o fajenn MySpace. DISSONANT NATION "Sauvage" in EP Sauvage (2011 . Cinq7) Gelloud a rit bisitiñ o fajenn MySpace iwe. Embannet ew bet o disk ged Cinq7, àr lehienn ar label eh eus arzourion arall da zisoloiñ iwe. SHAKA PONK feat. BEAT ASSAILANT "Oldschool rocka" in The geeks and the jerkin' socks (2011 . TôtOuTard) Ewid SHK PNK iwe ur bajenn MySpace hag iwe o lehienn ofissiel. KARKWA "Les chemins de verre" in Les chemins de verre (2011 . Audiogram) Strollad ar sizhun neus e lehienn ofissiel, ohpenn d'o fajenn MySpace. LEONARD COHEN "Show me the place" in SP Show me the place (2011 . Setu amañ lehienn ofissiel Leonard Cohen, hag ase unan arall e galleg, savet ged faned ha lan a ditourow.