Dec'h da noz e oa dalc'het un diviz bras etre daou dro an dilennadegoù-kêr e Kemper. Ar maer Bernard Poignant a zo 'n em gavet gant e enebour Ludovic Jolivet a-benn lakaat ar gaoz war kudennoù ha raktresoù kêr Kemper. Anv 'zo bet evel-just deus ar plan transport a blant reuz e Bro Gerne met kaoz 'zo bet ivez deus an emglevioù bet divizet goude an dro-gentan. Isabelle Le Bal deus ar Modem he doa rastellet kazi 15% deus ar mouezhioù disul setu m'he deus divizet 'n em vodan gant Ludovic Jolivet, kandidad UMP-UDI deuet trec'h war-bouez nebeud en dro-gentan. En tu kleiz ivez 'zo bet emglevioù& Daoust d'an disoc'h izel disul en eus Daniel Le Bigot 'vit ar re c'hlaz mac'hataet un emglev gant Bernard Poignant. Un dra vat 'vit an ekologiezh hag ar sevenadur hervez Anne Gouerou, war ar renk gant Daniel Le Bigot e Kemper.