Aet eo Alphonse Arzel da anaon disadorn vintin. 6 vloaz ha pevar ugent e oa senatour-maer kozh Gwitalmeze. Brudet mat er vro ha pelloc'h a-drugarez d'ar stourm 'n oa kaset da benn a-enep Standard Oil, ur gompagnunezh eoul mein eus ar Stadoù-Unanet, hag a oa perc'henn war ar vag Amoco-Cadiz 'n oa graet peñse dirak Porsall e 1978. Stourmet 'n oa Alphonse Arzel betek 1992 'pa 'oa aet lez-varn Chicago a-du gant ar Vretoned: anavezet 'oa kirriegezh ar stal er gwalldarvoud. Ur sapre den eo bet 'ni 'zo bet e penn kumun Gwitalmeze betek 2001 ha senatour betek 1998. Selaouomp Jo Patineg, bet eil-maer Gwitalmeze 'pad 24 bloaz asambles gant Alphonse. Hervezañ eo istor an Amoco 'n eus diskouezet piv 'oa al leonat. Ur pennad gant Erwan Blanchard. Warc'hoazh da ziv eur hanter e vo lidet obidoù Alphonse Arzel e iliz Gwitalmeze.