Kuzul-kêr ar yaouankizoù e Kemper

E miz Genver 2023 e oa bet lañset ur c'huzul-kêr ispisial e Kemper : kentañ kuzul-kêr ar yaouankizoù. Digor eo d'an dud yaouank neuze etre 10 ha 15 vloaz. Lakaat anezhe da gemer perzh er vuhez keodedel hag e buhez ar gêr eo ar pal. Bevañ a ra ar grennarder e karterioù disheñvel eus kêr ha skoliataet int e lec'hioù disheñvel. An darn vrasañ anezho ne anavezen ket ar re all araok kemer perzh. Dasparzhet int e pevar bodad labour : war an Ekologiezh, ar Sport, ar Sevenadur hag an dudioù hag unan all anvet « Bevañ asambles ». Er strollad-se just a walc'h emañ Léa Mauduit-Delorme, 12 vloaz...

Un atersadenn gant Metig Jakez-Vargas

Ar breved e brezhoneg !

Evit poent e c’hall ar skolajidi zo e Diwan skrivañ o c’hopiennoù jedoniezh hag istor-douaroniezh e yezh o skolioù met pas an danvezioù skiantel (Fizik hag SVD)… Kouslkoude eo bet roet gant an Deskadurezh Stad an aotre da skolajidi Iparralde pe hanternoz bro-Euzkadi rentañ kopiennoù war ar skiantoù en Euzkareg. E darempred gant rektordi Roazhon eo aet, neuze, servijoù kreiz Diwan e fin miz Mae evit kadarnaat e c’hallo ar Vretoned yaouank ober kement all… Pezh ‘zo n’eus bet kaset respont ebet da zDiwan . Ma skriva ar skolajidi o arnodenn war ar skiantoù e brezhoneg zo riskloù ne vo ket difaziet o c’hopiennoù hag e vefe zero o notenn… Memestra ‘neunt divizet renerien ar skolajoù Diwan broudañ ar skolajidi mont dreist reolennoù an Deskadurezh Stad ‘benn dimeurzh pa ‘vefont gant ar breved war ar skiantoù… Selaouomp Noël Kariou zo rener skolaj Diwan Penn-ar-Bed ‘ba Relecq-Kerhuon ha ‘ba Gwiseni…

Ur pennad-kaoz gant Erwan Blanchard

Holl reportajoù Keleier ar Vro da glevout AZE.

Ha da glevout ouzhpenn er c'heleier :

- Keloù deus an talbenn en Ukraina

- Yalc'hadoù nevez ^profet da Ukraina da vare an emvod e Londrez evit adsevel Ukraina

- Tagadennoù israelad ouzh annezidi palestina okupet

- Divodañ al luskad emsavadeg an douar

- Prantad Kalifiañ an Euro 2024

Keleier embannet gant Anton Burel