Emañ kumuniezh kumunioù Douarnenez gant o lakaat e plas ur steuñv evit magañ an dud gant boued produet er vro. Goude bezañ studiet boazioù beveziñ tud ar vro hag ar produiñ boued war an tiriad e-pad daou vloavezh zo bet graet 30 kinnig gant ar strollegezh. Gant ar pal « adlec'helaat » ar beveziñ ha mont war-zu un treuzkemm ekologel eus ar produadur boued lec'hel. Katell Chantreau, eil-prezidantez e Douarnenez Kumuniezh en karg deus an treuzkemm ekologel, a gont deomp hiroc'h war ar raktres bras-se.

Cheñchamantoù don a zegaso neuze ar steuñv boued lec'hel-se e bro Douarnenez a-benn tregont bloaz. Sikour al labourerien-douar yaouank d'en em staliañ a zo unan deus ar palioù kentañ, kement ha treuzfurmiñ al laezh e vo vez produet er vro e lec'h kas anezhañ dre ar bed da skouer. Hir e vo tizhout ar palioù bet votet e miz Genver met fellout a ra da Zouarnenez Kumuniezh lañsañ an 30 pal araok 2026.

Un atersadenn gant Metig Jakez-Vargas