Savet eo get skipailhad Le Plancher. Ar pal eo kinnig sonadegoù dishenval get arzourion daet a vaez-bro hag a Vreizh. Ar blez-mañ e vo an daouad Yuma daet a Dunizia, Lula Pena ag ar Portugal, pe ar strollad Bakolo ag ar C'hongo da lakaat o sonerezh hag o gwrizioù da vout klevet. Krog a ray an traoù henoazh hag e pado betag disul. 'benn àrc'hoazh àr ar leurenn e vo sonerion ar c'holektif ARP a Vreizh. 5 sonour telenn a ya d'ober ar strollad-mañ.. En o mesk emañ Tristan ar Govic. Er festival Couleurs du Monde e vo sonet an arvest anvet « Diriaou » en inour da Gristen Noguès. Gouiamp pelloc'h getoñ. Doc'h mikro Yaelle ar Mouel.