12vet salons Itech Mer a oa e Lann ar Ster ar sihun dremenet. Gouestlet eo an darvoud d'ar re a-vicher e bed ar mor, ar peskerezh hag an industrierezh diàr produioù ar mor. An digarez evit ar besketerion pe an dud yaouank o deus c'hoant da vonet àr ar viher-se d'en em gavout ha da eskemm. Mes iwez da zijolein pe da zerc'hel soñj ag ar feson ma oa labouret e-raok àr ar mor. Izili ar gevredigezh « Memoire Vivante dela construction navale » o doa ur stand lec'h ma tiskwezent mekanikoù kozh. Gouiamp pelloc'h get unan a izili ar gevredigezh, René Jeannès, hag en doa eñ labouret er compagnie radio maritime.