Lusket 'oa gant ur strollad deus ar vro anavezet «la Marche contre Monsanto », hag he deus klasket lañsañ an traoù war al live broadel. Ar pestisid-se implijet e louzoù Round Up graet gant Monsanto, a sav enebiezh braz a-eneptañ: tamalet eo dezhañ bezañ dañjerus evit ar yec'hed gant Kreizenn Etrevroadel an Enklask war ar C'hrign-Bev (Circ e galleg). A-benn ur sizhunvezh ac'hann 'n o Komision Europa da zivizout ma vo aotreet ar volekulenn en dro evit an dek vloaz da zont. Emañ bro C'hall da votiñ a-enep, diwar ar pezh a zo bet diskleriet gant ar gouarnamant. Pascale a voe o kemer perzh er vodadeg e kreiz kêr an Oriant. Lâr a ra de Dunvezh Wloagen-Grandjean evit peseurt abeg eo bet o vanifestiñ. Diskinnig: Jean Paul Runigoù, dilennad departamant ar Morbihan evit Dour ha Sterioù Bzh. Ma vefe asantet implij ar glyphosate en Unvaniezh European evit an dek vloaz da zont, e vefe dieub da c'houde pep gouarnamant da aotreañ ar volekulenn en e vro pe get.