Hirie 'mañ Jean Yves an Drian, prezidant rannvro Breizh, e Karaez, kement hag igoriñ ti-degemer Kêrampuilh, stag deus lise Diwan. Nullet 'oa bet an igoradur lakaet e miz Du daou vil unnek da gentañ, abalamour ma a oa savet bec'h etre maer Karaez, Christian Troadek ha Richard Ferrand, e enebour sokialour evit dilennadegoù an deputeed. Igoret an ti hirie goude merenn 'ta, un tamm kinnig zo graet deomp gant Gerard Laheleg, bezprezidant ar rannvro. Digarez 'oa ivez an igoradur-mañ evit prezidant ar rannvro da respont da Nikolaz Sarkozy, evit a sell karta Europa ar yezhoù minorelaet, evel a lâr Lena Louarn deomp, ha hi bezprezidantez ar rannvro e karg deus yezhoù Breizh.