Gwallamzer: gwallbaket eo Kemperle
Krog' eo ur gorventenn all d'ober he reuz e Breizh dibaoe an arbardaez-mañ: Ulla he anv. Ouzhpenn d'an avelioù kreñv e vez barradoù glav-puilh dibaouez dibaoe miz Kerzu. Dre-se ne ziskenn ket live ar stêrioù ha ne zeu ket an douar a-benn da lonkañ kement.
E Kemperle e talc'h annezidi ha koñversanted ar gêr da netaat ha da glask talañ ar gwellañ ma 'c'hellont ouzh an dourioù-beuz. Hiziv c'hoazh ez eus distruj.
Selaouomp Cécile Flouret, kuzulierez e kêr Gemperle. Emañ ouzh mikro Katell Uguen.
