Skolidi Bro C'hall a gas devezhioù-skol hiroc'h ha kargetoc'h eget bras ar skolidi all dre ar bed. Kement-mañ a skuizha ar vugale setu m'eo diazezet adkempennadur al luskoù-skol war ar fet skañvaat an devezhioù labour er c'hentañ derez. Skolioù publik ar vro a vo holl gant sizhunvezhioù labour a bevar devezh hanter en distro-skol a zeu, met evit an hentennoù prevez eo dieub an hiniennoù da zibab ober gant al lusk nevez pe get. N'emañ ket Diwan gant ar statud publik. Ar rouedad dre soubidigezh 'n eus dibabet neuze chom gant al lusk pevar devezh-skol ar sizhun met ar skolioù a fello dezho hag o do ur raktres resis a c'hello lakaat ar reform e pleustr. Anna-Vari Chapalain, renerez Diwan, he deus displeget pelloc'h da Gatell Uguen.