///Adskignet a-ziàr abadenn an 16.9.2013/// Doned a ra ar strollad rock Girls In Hawaii a Veljik, ar blez-mañ e kennigant o srede albom, Everest, goude Plan your escape e 2008 ha From here to there e 2003. Gortaet ew bet, dreist-oll goude marw unan anehe e 2010, ar soner-batri Denis Wielemans, breur ar haner ha soner-kitar Antoine Wielemans. Ged dow vusissian newez o deus kasset da-benn un disk don. Tristidigezh a so amañ, a-dra-sur, ba'r ganenn-ditl, pe "Here I belong", a-zivoud hor gwriziennow. Fin ew an toniow, lan a liwiow dishañval ha delikat. Ar hempennow, ar son, a seblanta boud simpl, mes kisellet-fin ew ar bladenn, ha soñjet-mad an aergerliow. Koms a ra ar posiow a esperañs, ba "We are the living", a ziaesder ar vuhez ba "Not dead" ha ba'r single kentañ ha ken plijus, "Misses". 'Benn ar fin ema lugernus an disoh dre vras, sikour a ra genomp analiñ, ged an aer a glaskamp razh goude boud bet skoet ged doareiow fall. Brawite ar mennoiow teñwel ha nerzh ar vuhez é voned àr-raog a vez degasset àr-un-dro ged Girls In Hawaii, ewid hor brassañ vad. THE CURE "In-between days" in The head on the door (1985 . Fiction Records) BABYSHAMBLES "Nothing comes to nothing" in Sequel to prequel (2013 . EMI) PORCELAIN RAFT "Cluster" in Permanent signal (2013 . Secretly Canadian) PORCELAIN RAFT "Warehouse" in Permanent signal (2013 . Secretly Canadian) SIGUR ROSHrafntinna" in Kveikur (2013 . XL Recordings) GIRLS IN HAWAII "Misses" in Everest (2013 . Naïve) Liammow an deiz : > Girls In Hawaii ha > The Cure > Sigur Ros > Porcelain Raft > Babyshambles