François Fillon, ar c'hentañ ministr, 'neus embannet hiziv ar muzulioù a vo lakaet e plas e 2012 evit espern 7 milliard a Eurioù. Ur steuñv evit strizhaat dlee ar stad gall ha klask chom a sav gant ar broioù all eus Europa. Kar, an enkladenn war an arc'hant, ar finañsoù publik hag re ar bankoù 'zo brasoc'h brasañ er takad an Euro. Kement hag e grok lod eus an dud o lavar e 'vefe war ar reñk un enkadenn ken bras hag an hini oa bet bevet en Europa hag en Amerika e 1929. Disadorn oa bodet 150 den 'ba Silieg er Morbihan evit komz, just 'walc'h, deus finañsoù ar bed. Un devezh aozet gant Skol Uhel Silieg, ur gevredigezh troet war an en-dro hag an diorren padus. Ur gevredigezh a zigas ur skiantvarn e-keñver ar politikerezhioù frank difennet gant politikerien bras ha bankerien ar bed. Selaouamp Olwenn Denez, un den yaouank, a oa daet disadorn ba Silieg da glask kompren hiroc'h. Emañ doh mikro Anne Gouerou.