A Doulouse ema savet an duo Cats On Trees. Krouet oa bet e 2007 ged ar ganeres ha soneres-piano Nina Goern hag ar soner-batri Yohan Hennequin. Goude boud enrollet un EP, Sirens call, ha sonet ur bochad àr ar leurennow a Frañs, o deus embannet o albom kentañ, edan ar label Tôt OuTard. Tri blezad a labour ewid kennig ur bladenn kisellet-fin, joaius hag efedus-bras. Strobellus ew mouezh Nina, teknikel mes flour stil Yohan, hag aes ew boud degemeret barzh o ollved. "Burn" a ziskoueza dohtu pe emglew a vez etrese. Un ton kàer, pop ha peurlipet, hag a lañsa mad spered an disk. Ni santa leveson ar folk e saosneg (Regina Spektor, Cat Power, Amy MacDonald). Diwezatoh e ta da voud donnoh an aergerl, melkoni vez klewet ba "Who you are", tapet vêmp ged an treant hag an douster ba "You win", a laka da soñjal ba Bat For Lashes. Ar hempennow-kerden so bet kasset da benn ged Albin de la Simone, skeudennet amañ hag ase ged lodennigow instrumantel ag ar re fromussañ. Un duo ampart ha kisidig ew Cats On Trees, ha gouiet o deus aliañsin an diw galite-mañ ha sevel un albom a folk modern ha personel, unvan ha plijus-mat. JOHN LENNON feat. ELTON JOHN "Whatever gets you thru the night" in Walls and bridges (1974 . Apple) JULIEN DORÉ feat. BRIGITTE "Habemus papaye" in Løve (2013 . Columbia) PROHOM "Comment lutter" in Un monde pour soi (2013 . Gourmet Recordingz) WILD BEASTS "Wanderlust" in SP (2014 . Domino) CHILDISH GAMBINO "3005" in Because the internet (2013 . Glassnote . Island) CATS ON TREES "Burn" in Cats On Trees (2013 ; TôtOuTard) Liammow an deiz : > Cats On Trees ha > Brigitte > Prohom > Elton John > Julien Doré > Wild Beasts > John Lennon > Childish Gambino