Evit ar beure e Karaez, zo bet lidet penn kentañ al labourioù da sevel un uzin d'ober laezh poultr evit ar vugale. Un uzin a vo savet gant Sinaiz, zo o tont d'en em staliañ e kreiz Breizh abalamour d'an diouer a laezh produet e Sina. Da unnek eur met daou rik 'oa bet graet an taol pal kentañ. Pennoù bras an embregerezh, ar stroll sinaat Synutra, 'oa e Karaez, ha pennoù bras ar vro ivez, betek ministr ar gonezvouederezh, Guillaume Garot. 150 000 ¬ zo postet en afer, ar brasañ post arc'hant evit Sina evit a sell ar produiñ laezh en estrenvro. Yann Ber An Neeun zo saver saout-laezh, o chom e Karaez, ha bet e Sina c'hoazh. Pelloc'h gantañ deus mikro Tudual Karluer.