Treiñ a ra fall bed ar finañs hag hini an ekonomiezh da heul evit ar broioù pinvidik deus ar bed. Bemdez 'vez komzet deus dleoù ar stadoù, deus freuz-stal bankoù 'zo, deus diaesterioù dazont an Euro. Disadorn 5 a viz Du, ar re a fell dezho kompren hiroc'h an aferoù-se, ha dreist holl, kaout ur sell disheñvel, a beb eil, a c'hello kemer perzh barzh un devezh preder, aozet gant ur gevredigezh anvet Skol Uhel Silieg. Muriel Le Morvan 'zo unan deus an aozerien. Emañ deus mikro AG Kemer a raio perzh barzh an devezh-se ivez sindikalourien CGT ha CFDT deus Breizh. Komzet 'vo deus an embregerezh Jabil deus Brest da skouer. Bez e vo ivez Claudie Lebreton, prezidant kuzul-meur Aodoù an Arvor. Eñ a gomzo kentoc'h deus an emprestoù pristri, fall, graet gant ar c'hevradoù lec'hel.