Lidet 'vo 500 deiz ha bloaz marv Anna Vreizh warc'hoazh er Folgoad e kichen Lesneven. Chomet 'zo ur skeudenn vojennel eus an Dukez e Breizh met ivez roudoù fetis anezhi un tamm e pep lec'h dre ar vro hag er Folgoad just mat. Ul liamm kreñv a zo etre ar Folgoad hag an Dukez. Setu 'pezh 'zo displeget deomp gant Albert Cavarec, prezidant "Mignoned ar Folgoad". Ur pennad gant Erwan Blanchard. Evit rentañ enor da Anna Vreizh 'zo savet un devezh gant "Mignoned ar Folgoad": adalek 10e warc'hoazh vintin gant ur brezegenn diwar benn buhez an Dukez hag he beaj er Folgoad. Da 11e 15 e vo kanet un oferenn ha da c'houde e vo kinniget, da 2e goude merenn, ur c'hoñsert gant ograoù. Goulc'han Kervella eus Strollad ar Vro Bagan a zeuio da lenn testennoù skrivet gant Frederic Le Guyader.