Goude Mystic rumba àrlene, un albom doubl, piano ha kan, setu arru ar blez-mañ ur bladenn newez arall ged Arthur H, Baba love, ha musissianed ag ar choas àr-dro dehoñ an taol-mañ : Joseph Chédid d'ar gitar, Aymeric Westrich (Aufgang) hag Alexander Angelov (Cassius) ewid ar lusk, pe hoazh Vincent Taurelle (Air) d'ar piano. Un disk pop-rock ar wezh-mañ, soul pe groove iwe, ged muioh a riskl marse, mes un un disoh ag ar re wellañ. Arthur H neus savet kanennow a garantez, levesonet anehe ged meur a stil-musik. Enrollet en deus un nebeud duoiow : ged e hoar Izia ewid an ton pop-rock "La beauté de l'amour", pe ar raper amerikan Saul Williams ewid un taol-enor d'ar liwour "Basquiat". Klewet vez mem an aktor Jean-Louis Trintignant é tevis getoñ ba "L'ivresse des hauteurs". Posiow kisidig, friant, barzhel... un arzour penn-da-benn ew Arthur H, ha lies ema souezhus ha plijus-bras e albomiow. Ne vimp ket dipitet neuse ged Baba love : da voud disoloet, heb gortos, ba PopSkeud. CAMILLE "L'étourderie" in Ile veyou (2011 . EMI) CAMILLE "Allez, allez, allez" in Ile veyou (2011 . EMI) JUSTICE "Audio, video, disco" in Audio, video, disco (2011 . EdBanger) MUSTANG "La princesse aux petits pois" in Tabou (2011 . Jive Epic) GEORGES BRASSENS "Je me suis fait tout petit" in N° 4 (1956 . Philips) ARTHUR H "Give me up" in Baba love (2011 . AB)