Dazont Breizh e kreiz an divizoù. Disadorn e oa bodet tud skol uhel silieg e Klegereg. Deuet e oa ur c'hant hanter kant bennak a dud da soñjal ha da vagañ o freder diwar-benn dazont ar vro. Lakaet eo bet ar gaoz war an enkadennoù ha peseurt diskoulm kavout evit mont enepto er bed a-vremañ hag evit an amzer da zont dreist-holl. Komzet z eus bet ivez vel-just eus ar pakt sinet digwener. Selaouomp Mona Braz a oa pedet da reiñ he soñj d'an dud ha da gentañ Annie a oa labourerez-douar, e retred emañ bremañ ha dont a ra ingal da emvodoù Skol Uhel Silieg. Emaint ouzh mikro Yaëlle ar Mouel.