Àr ledannaat eh a tachenn an transportoù publik e kornad Pondi.
Goude Moovi, ar servij bus zo é pleustr a-c'houde 7 miziad e vo roet lañs edan berr d'ar servij TAD pe transport hrevez ar goulenn. Ne vo ket busoù mes taxioù a c'hello monet da gerc'hat an dud hag o c'has da unan ag ar pevar arsav zo bet staliet, d'ar sadorn ha d'ar merc'her. Un taol-ansi a vo graet e-pad an 6 miziad da zonet ba kumunioù en tu d'ar golern a dolpad kerioù Pondi èl Gwern, Silieg, Berc'hed, Malgeneg lec'h m'eo bresk a-walc'h ar servij transport publik betag bremañ. Serj Moelo, eil prezidant tolpad kerioù Pondi é karg ag an transportoù a lâr deomp pelloc'h.
