Ar haner ha liesmusissian Alex Ebert hag ar ganeres Jade Castrinos doa krouet ar raktress ha strollad Edward Sharpe & The Magnetic Zeros e 2007, ur paread hippied mod-newez, dow-zeg musissian maget d'ar rock kozh, folk, gospel ha soniow psykedelik fin ar 60s. Remerket oant bet a-benn ged o albom kentañ, Up from below e 2009, hag an tub "Home". Goude Here e 2012, setu arru o srede albom ar blez-mañ, ha dalhmad gete rekipe efedus ar soniow pop a-gent a Galiforni. Son sklàer ar gitarboud ba "Let's get high" hag "In the Summer", kendon ar mouezhiow ba "Please", benwigi-kouevr e-leizh ba "Life is hard", pe flaouit ba "If I were free"... Ebert a gana mad ha douss, braw e ta ged Jade Castrinos iwe ("Two"), ne soñjer ket 'meid ba'r garantez, ar frankis, hag an heol, hag aes ew da ijiniñ e vêmp gete barzh ur buss orañj, gwisket ged dilhad bokedet, soubet ba'r patchouli, àr an hent da San Fransisko. Àr-an-dro ged Devendra Banhart, Bon Iver pe Fleet Foxes eh a àr-raog an houlenn baba modern... hiraezh ha love, geriow-stur an arzourion-mañ. "Remember to remember" a lâr deomp ar ganeres... ne vo ket diaes ! JEFFERSON AIRPLANE "Somebody to love" in Surrealistic pillow (1967 . RCA Victor) CASUAL SEX "The sound of Casual Sex" in EP The sound of Casual Sex (2013 . We Can Still Picnic) JESSICA 93 "Poison" in Who cares (2013 . Teenage Menopause) BRETON "Got well soon" in SP (2013 . Cut Tooth . Believe Recordings) LA MAISON TELLIER "Sur un volcan" in Beauté pour tous (2013 . At(h)ome) EDWARD SHARPE & THE MAGNETIC ZEROS "Better days" in Edward Sharpe & The Magnetic Zeros (2013 . Vagrant . Rough Trade . Gentleman Of The Road) Liammow an deiz : > Edward Sharpe And The Magnetic Zeros ha > Breton > Jessica 93 > La Maison Tellier > Jefferson Airplane