Re nebeud a drenioù TER a zo en hañv evit al labourerien
Hegaset eo ur strollad tud a implij an trenioù TER e Su Breizh, al linenn etre Kemper ha Gwened, rak re nebeud a drenioù a glot gant an devezhioù labour burev. E miz Gouere o deus skrivet ul lizher digor evit lavaret ne oa ket trawalc'h a drenioù evite. Jean-Mari Olivier a zo ezel eus ar strollad-se. Tapout a ra an tren deus ti-gar An Alre evit mont da labourat e Kemper. Selaouomp anezhañ.
Jean-Mari Olivier a oa bet aterset gant Metig Jakez-Vargas. Muioc'h a drenioù a vo ouzhpennet c'hoazh gant ar rannvro war linenn Kreisteiz Breizh en distro-skol. Spi a zo gant ar strollad e vo graet muioc'h a ginnigoù dezho.
