Inizi ar C’homor, Jeorji, Turki, Kurdistan pe c’hoazh Breiz da skouer. Lieseurt eo gwrizioù an annezidi ‘zo lakaet àr wel er raktres sokio-sevenadurel « Ar pezh a chom », kaset get Kenleur, kengevredad ar c’helc’hioù keltieg.

Aozet eo bet geti atersadennoù ha fotoioù en ur studio berrbad, staliet er c’harterioù poblek en Oriant ha tro àr dro : E Enezeg e Lannarstêr, e Kerioù-Ker en Henbont hag e Ker-nevez ha Koed ar c’hastell en Oriant. Diàr an testenioù a zo bet dastumet eo bet savet un diskouezadeg a oa moiand gwelet e Fest ar Gelted.

Poltredoù foto graet get Alain Pérus, dilhad hengounel a bep lec’h er bed hag un teulfilm a oa kinniget.

Enora Molac he deus kenurzhiet an diskouezadeg.

N’eus ket a deiziad resis c’hoazh met kendalc’hiñ a ray an diskouezadeg e hent e tier karterioù pe mediaouegoù e-korf ar mizioù é tonet.

Festoù etre ar c’hulturioù a zo dija bet aozet hag a vo azet en-dro an 19 a viz Gwenholon en Henbont e ti karter Kerihouais hag ar 26 e Kerfrehour e Lannarstêr. Kinniget e vo prantadoù tañva dañsoù ag ar bed.

E karter Koed ar c’hastell en Oriant an 20 hag an 21 a viz Du e vo Ar pezh a chom er gouel Sitoyaned ag aze ha lec’h all (Citoyens d’ici et d’ailleurs).