Perc'henned mobile-home prevez 'ba Kerlouan dirak al lez-varn!
35 perc'henn mobile-home 'ba Kerlouan 'zo galvet da vont dirak al lez-varn 'ba Brest adalek warc'hoazh. Hervez an ti-kêr 'ba Kerlouan emañ ar mobile-home 'zo staliet war dachennoù prevez maez eus kod ar c'heraozañ. Dav 'vefe d'ar perc'henned distaliañ o mobile-home neuze. N'emaint ket a-du gant kêr Gerlouan evel just. Ouzhpênn eo rebechet dezho saotrañ an natur gant an dour lous. Bodet int, neuze, 'ba ur gevredigezh evit en em difenn. Stenn 'zo war bord ar mor 'ba Bro-Bagan. Feuket eo Goulven Lorian, eus Tregaranteg, 'neus staliet e diig 'vit ar vakañsoù e 2004.
