Ur strollad krennarde.zed eus Palestina a oa deuet da Gemper
Gellet o deus krennarded ha krennardezed Diwan ober anaoudegezh gant ur strollad tud yaouank eus Palestina. Degemeret eo bet repuidi ha repuadezed yaouank eus kamp Balata e Sisjordania e skolaj Diwan Jakez Riou, e Kemper, digwener. Aozet ez eus bet un droiad e Breizh-Izel d'ar balestinianed yaouank gant ar gevredigezh gevelliñ Kemper-Balata. Un eskemm a oa bet evit ar skolajidi tro-dro d'an dañs Palestinat, an dabkeh. Selaouomp Razzan ha Yazid, izili eus komite poblek Balata, a oa jubennet gant Coline Houssais.
Klevet o peus ur reportaj a oa bet graet ganit Morgane. Kenderc'hel a ra tud yaouank Balata gant o beaj e Breizh Izel betek disul.
