Bevañ hep plastik : skouer ar Plastic Odyssey
Ur vag divoutin a oa posupl gweladenniñ e-pad an dibenn sizhun e Konk-Kerne : ar Plastic Odyssey. War vourzh e kaver mekanikoù da adaozañ ar plastik hag ijinadennoù low-tech. Deskiñ a reer ivez e peseurt mod e vev an akipaj hep plastik pe dost. Ul lec'h evit deskiñ eo, a ginnig diskoulmoù pleustrek. Marin In, martolod ha keginer e-bourzh ar Plastic Odyssey, a gont hiroc'h deomp war ar pezh a vez graet gante.
Marin In, martolod ha keginer war ar Plastic Odyssey, a oa bet aterset gant Metig Jakez-Vargas. Etre ar 24 a viz Even hag an 8 a viz Gouere e vo posupl pignat e-bourzh a vag dibar-mañ e Sant-Malou.
