A-c'houde dec'h ha betag àrc'hoarzh emañ tolpet tud ar gevredigezh katalaniz e Frañs e skol-veur an Oriant. Bep daou vlez vez savet ur c'hollok klaskerezh etreze hag evit ar wezh-ketañ emañ degemeret e Breizh. Klasket o deus neuze lakaat àr-wel ar perzhioù zo kumun hag ar perzhioù zo dishenval etre an div vro. Ar gaoz zo lakaet àr tri danvez : ar yezh, ar glad hag an idantelezh. Inour oa bet roet da b/Per Denez iwez evit an eskemmoù neus graet etre Kataluña ha Breizh. Gwendal Denez deus kemeret perzh er c'hollok dec'h, lâret neus da Yaëlle ar Mouel e hella Kataluña bout ur skwer evit Breizh.