Stanket an tabut etre CECAB hag implijidi GAD
War dro 500 implijiad Gad 'oa da div eur goude merenn 'ba Lambaol-Gwimilio. Embann an emglev 'oa kavet gant renerien ar CECAB 'zo graet gant ar sindikalourien, un emglev 'oa kavet dec'h goude eurvezhioù a dabut. Met ne 'vo ket votet ganto diouzhtu asantiñ pe get ar c'hinnig 'zo graet dezho. 'Bar skrid ,'zo kaset d'ar sindikadoù eo skrivet 'vo roet ur sammad a arc'hopr e brut ha pas net 'vel 'pezh 'oa laret an deiz araok. Paeet 'vefe an devezhioù harz-labour 'vit miz Here ha pas 'vit miz Gwengolo. Erru skuizh an dud 'ba Lambaol. Selaouomp François ha Bernard, daou implijiad. Ouzh mikro Erwan Blanchard emaint.
