Rap ha Stourm... e brezhoneg 'ba ostri an Dibar!
Ul leurenn lan a rapourien a gana e brezhoneg ! Digwener ‘oa aozet un nozvezh ‘vel ‘neus ket bet gwech ebet betek-hen. Pemp strollad rap e brezhoneg asambles gant ur strollad eus Bro Euzkadi zo bet lakaet da seniñ asambles ‘ban Dibar ‘ba Plougonver. Yenzah, Muncaï, Kalstra, Okto H ha Plouz ha Foenn ‘neunt degaset o nerzh da genver an nozvezh Rap ha Stourm. Un nozvezh aozet gant an Dibar hag an daou gomper eus Plouz ha Foenn, Gweltaz Foulon ha Kadvael Jolived. Un digarez ‘oa da lakaat war wel ar strolladoù n’int ket ken brudet ‘velto… War blas ‘oa Erwan Blanchard. Klevet ‘vo da gentañ Zim eus strollad Kalstra… Ur reportaj gant Erwan Blanchard.
