Seizh mil metrad karres paneloù-heol war un doen hepken ! E Nice pe Massilia ? Nann, 'ba Brieg, 'tal kichen Kast e bro Gerne ! Staliet int bet gant ul labourer douar, Jacques Trellu, 'zo produer avaloù-douar ivez. Kroget 'noa da broduiñ tredan e 2002 o staliañ tourioù-avel war ar menez e Kast. Hag e 2009 'noa lañset un eil raktres, hini ar fotovoltaik, gant sikour ur foñs evit postañ arc'hant 'ba raktresoù risklus deus un tu, met buhezel, pe etik ma fell deoc'h, deus an tu all. Abaoe ar miz paseet eo echu an doen, an hini brasañ e Bro Frañs gant paneloù heol ! Selaouit 'ta Jacques Trellu, ur peizant-embregour. Foto : Jacques ha Mariannick Trellu dirak o zoen bras savet gant paneloù-heol (foto AG)