Un devezh sport evit ar vugale nammet hag o familhoù a vo disadorn e Mourieg
Gober sport pa vezer nammet n’eo ket aes atav. An dud mac’hagnet a zo div wezh nebeutoc’h eget ar boblañs hollek é ober sport barzh ur c’hleub hervez an Injep e 2024. A-benn broudiñ ar vugale da zijoloiñ an handisport ha krogiñ barzh, e vo aozet an 3vet Family day, devezh ar familhoù, disadorn d’enderv e Mourieg kostez Logunec’h, er Morbihan.
Emgav etre 2 eur ha 5 eur d’enderv e takad ar Parko. Digoust eo, met mard oc’h dedenet da gemer perzh e vo ret deoc’h lakaat o anv en a-raok.
Anaelle Ar Bleveg, ezelez burev comite handisport ar Morbihan a oa bet aterset get Aodren Trehin.
