A Vreizh-Veur ema Johnny Flynn, ur saver-kanennow, kaner, aktor ha barz. E 2008 en doa embannet e albom kentañ, A larum, ged e strollad The Sussex Wit, hag an eil e 2010, Been listening, diw bladenn ag ar re wellañ, savet etre ar folk hengounel hag ar hanennow mod-Iwerzhon. E albom newez-flamm, Country mile, so bet kensavet ged e gomper ba'r strollad, Adam Beach. Enrollet ew bet ba NY ha ba Londres, pell en-dro a-zoh an elektro hag ar rock. Ar single "The lady is risen" noa kemennet mad an disk, ged e son don, orglesow mod-kozh ha benwigi-kouevr souezhus, mouezhiow maouesed, ha timbr ar haner, a laka da soñjal ba The Dubliners, da skwer. Liessort ew levesoniow Johnny Flynn : sod ew ged Shakespeare ha Yeats ewid ar posiow, Vaughan Williams pe Langhorne Slim ewid ar sonerezh. Savet ew bet an albom èl ur voiaj, hañval doh un dewezh, ha ne ouier ket pe hir ew ar Hountry mile-se. Un taol-micher ew trede albom Johnny Flynn : folk saos newez ew, en diavaes ag an amser a bass, ha vad a ra, ur wezh an amser, selow doh un den ha nend a ket ged ar modelow a-vremañ. STEVE GOODMAN "City of New Orleans" in Steve Goodman (1972 . Buddha) THE STRYPES "Rollin' and tumblin' " in Snapshot (2013 . Virgin) LANTERNS ON THE LAKE "Until the colours run" in Until the colours run (2013 . Bella Union) SKUNK ANANSIE "I hope you get to meet your hero" in An acoustic live in London (2013 . 100% Records) THE FRATELLIS "Seven nights,n seven days" in We need medicine (2013 . Island) JOHNNY FLYNN "The lady is risen" in Country mile (2013 . Transgressive) Liammow an deiz : > Johnny Flynn ha > The Strypes > The Fratellis > Skunk Anansie > Steve Goodman > Lanterns On The Lake