"Spered all": un ekogreizenn 'ba Pleuveur-Bodou
E Pleuveur Bodoù zo un ekogreizenn war sevel, "Spered All" an anv ane'i. Ar pal ane'i eo diskouez d'an darn vrasañ eo posupl bevañ en ur mod doujusoc'h d'an en-dro, ha n'eo ket ken diaes-se. E-mesk an traoù 'vez kinniget zo stajoù a-bep seurt. D'ar sadorn 28 a viz Gwengolo 'oa ur staj da deskiñ penaos ober produioù evit an ti, gant danvezioù naturel evel pri pe gwinêgr. Gant Régine Queva 'oa kaset. Jean-Louis boulard zo unan deus an daou den 'deus krouet ar greizenn, pelloc'h gantañ. Gant Tudual Karluer.
