E 2005 e oa anwet raktress kentañ ar liesmussian Meric Long, a Galiforni, Dodobird. Anavet neus ar soner-perku Logan Kroeber, un arnoder, interesset iwe ba'r metal progressiv. Long a blija dehoñ ar luskow a Gornôg an Afrik hag ar fingerpicking ba'r musik kountry ha blues. An ollvedow-mañ deus kejet mad ha setu ganet an duo folk-rock-indi The Dodos. Goude o fewar albom kentañ, Beware of the maniacs (2006), Visiter (2008), Time to die (2009), ha No color (2011), ema arru ar pemved : Carrier. Musissianed arall a sona gete àr ar leurennow ; àrlene e oa waet d'an Anaon unan anehe, ar soner-kitar Christopher Reimer, pezh neus levesonet hag awenet stil o hanennow newez, ha fesson da soniñ ar gitar Meric Long iwe, ged luskow difonnoh da skwer (ar single "Substance"). Rock kreñvoh a vez ataw gete (sur'walh e vo "Confidence" un tub tuchant), liw ar 80s ("Stranger"), pe toniow-bale douss ("Relief"). Faotiñ a rae dehe mont àr-raog hag enoriñ àr-un-dro spered o ami ; dàet int da-benn, ged ur bladenn deñwelig marse, mes pinwig ha kempennet braw, lan a fromm hag a santimantow sontil. NEW ORDER "Blue Monday 88" in SP (1988 . Factory) EXCLAMATION PONY "Pseudo individual" in SP (2013 . Cult Records) WHITE LIES "Getting even" in BIg TV (2013 . Fiction) MAGISTRATES "B.T.P.A." in SP (2013) THE DODOS "Substance" in Carrier (2013 . Polyvinyl) DA SILVA "Villa Rosa" in SP (2013 . PIAS) Liammow an deiz : > The Dodos ha > Da Silva > New Order > White Lies > Magistrates