Ar festival Breizh a gan a vo e Sant-Brieg an dibenn sizhun-mañ.
Daoust hag e anavit Breizh a gan ? Ur festival goustlet d’ar c’han a gor, da laret eo al lazoù-kaniñ e brezhoneg eo.
Bep plez e vez an darvoud-se dibenn-sizhun kentañ miz Kerzu. Arc’hoazh ha disul e vo dalc’het an 43vet gouel e Sant-Brieg. Tem ar yaouankiz a zo bet dibabet.
Ar Master klas hag an devezh studi a zo digoust ha digor d’an holl. Kouviidi ar brezegenn a zo Yann-Ber Tomin, Jorj Belz, Daniel Giraudon hag Yves Coativi.
Chom a ra plasoù evit sonadeg vras ar sul. 15€ eo ar priz àr blas ha 13€ ma rak-prenit ho tiked.
Setu Youenn Boulic kenurzhier Kanomp Breizh, ar gevredigezh a aoza ar gouel get skoazell Kenleur.
Ur pennad-kaoz get Aodren Trehin.
