Brigitte Fontaine so foll. Setu ataw ar pezh a laka da grediñ an arzoures a Vontroules a-houde ar 60s. E 2013 e embanna he 20ved albom : J'ai l'honneur d'être. Barzh he dow zisk kent he doa kenlabouret ged Igor Guest (Grace Jones) ; an taol-mañ ema chomet ged he galant Areski Belkacem, ha Jean-Claude Vannier neus savet kempennow diw ganenn. Ar varzhes deus-hi savet toud ar posiow, ha ba'r hanennow skañvañ e kaver lies ar gwellañ komsow : lan a hunvre (" L'île au coeur d'enfant"), friant ("Delta"), añgajet ("ar single "Crazy Horse" diàr-benn ur vaoues ba prison, he hlip teñwel sevenet ged Enki Bilal ; "Au diable Dieu", a-eneb d'ar relijion) pe psykedelik ("La Pythonisse"). Ged "Père" e klosa he fladenn, ur ganenn don ha ken fromus ma n'hellay ket he soniñ àr ar leurennow. Belkacem neus-eñv komposet toniow ag ar re vrawañ hoazh, kempennet douss ("Sur une mer gelée", ged piano ha violoñsel) pe rock ("Amour poubelle", "Les crocs"). Brigitte Fontaine n'ew ket foll, dishañval ew, ha sod ged ar varzhoniezh ha ged ar sonerezh. Da 74 vlez ema ur skwerenn, dalhmad. JACQUES HIGELIN "Champagne" in Champagne pour tout le monde (1979 . Pathé Marconi . EMI) JULIETTE "Au petit musée" in Nour (2013 . Polydor) JACCO GARDNER "The end of August" in SP (2013 . Trouble In Mind Records) DANIEL DARC "Une place au Paradis" in Chapelle sixteen (2013 . Jive Epic) BRIGITTE FONTAINE "Crazy Horse" in J'ai l'honneur d'être (2013 . Silène) LYNDA LEMAY "Café" in Feutres et pastels (2013 . Warner) Liammow an deiz : > Brigitte Fontaine ha > Juliette > Daniel Darc > Lynda Lemay > Jacco Gardner > Jacques Higelin