Unanet eo an arzourien.ezed evit ar brezhoneg
Ar bloavezh 2025 a zo bet start evit hor yezh hag hor sevenadur ha peadra a zo da vezañ nec'het. Deuet eo neuze ar c'hoant d'ar ganerez Gwennyn ober ur sonadeg evit souten ar brezhoneg, anvet « Breizh a Live ». An arzourien hag arzourezed Denez, Nolwenn Korbell, Brieg Guerveno pe c'hoazh Christophe Miossec o deus respontet d'ar galv e mesk reoù all. Clarisse Lavanant a savo he mouezh hi ivez. Muioc'h a ditouroù ganti war an darvoud-se a vo 'benn disadorn e sal ar Glenmor e Karaez.
Clarisse Lavanant ha Dom Duff a oa bet aterset gant Yann Boishardy deus RKB. D'ar 6 a viz Gwengolo e vo dalc'het ar gouel « Breizh a Live » e Karaez. Ur brezegenn a vo ivez war dazont ar brezhoneg, adalek 2e30. Sonadegoù a vo da c'houde betek 11eur noz, hag ur fest-noz evit klozañ ar gouel betek 2e mintin.
